Propiedade intelectual
- A Xunta de Galicia é titular do dominio de internet de segundo nivel xunta.gal.
- Os dereitos de propiedade intelectual deste sitio web e dos seus elementos contidos son titularidade da Administración Autonómica de Galicia.
- Con estas páxinas preténdese fomentar o acceso da cidadanía á información relativa ás iniciativas e servizos da Xunta de Galicia, e facilitarlle as súas relacións coa Administración da Comunidade Autónoma de Galicia.
Cláusula de exención de responsabilidade
- O contido facilitado a través desta web emítese con efectos simplemente informativos e non substitúe a publicidade legal das leis, das disposicións e dos actos que teñan que ser publicados formalmente no DOG e noutros boletíns oficiais. Aínda que se efectuarán os esforzos precisos para que a información contida sexa exacta e actualizada, a Xunta de Galicia non garante a inexistencia de erros no contido deste sitio, nin que se atope totalmente actualizado. Unicamente os textos publicados nas edicións impresas do DOG ou doutros boletíns oficiais teñen carácter auténtico e validez oficial.
- A Xunta de Galicia non se fai responsable dos danos e prexuízos que puider ocasionar o uso ilexítimo ou inadecuado das ferramentas e das informacións contidas na web con excepción de todas aquelas actuacións que resulten da aplicación das disposicións legais ás que deba someterse no estrito exercicio das súas competencias.
- A Administración da Comunidade Autónoma de Galicia non asume responsabilidade ningunha derivada da conexión ou contidos das ligazóns a páxinas externas ás que se fai referencia na web.
- A Xunta de Galicia resérvase a facultade de efectuar, en calquera momento e sen necesidade de aviso previo, modificacións e actualizacións sobre a información contida ou na súa configuración ou presentación.
Reprodución
- A reprodución dos contidos desta web está autorizada sempre que se cite a súa orixe ou se solicite autorización. A persoa usuaria comprométese a utilizar esta web exclusivamente para uso persoal.
Caixas de correo
- A Xunta de Galicia non se responsabiliza das contestacións que se realicen a través das distintas direccións de correo electrónico que aparecen nestas páxinas, agás as do propio departamento. A información obtida a través das caixas de correo que figuran nestas páxinas ten carácter meramente informativo, sen que en ningún caso poida derivar dela efecto xurídico vinculante ningún.
Servizo
- Preténdese reducir ao mínimo as interrupcións do servizo e os problemas ocasionados por erros de carácter técnico. Non se asume responsabilidade ningunha respecto das interrupcións ou deficiencias no servizo, nin dos problemas que poidan resultar da consulta das presentes páxinas.
Recomendacións de acceso
- A Xunta de Galicia procura que a presentación de todos os contidos e funcionalidades esenciais da web sexa independente dos dispositivos físicos e navegadores web empregados para tal fin, codificados con estándares técnicos de uso libre e gratuíto, e accesible para navegadores adaptados a persoas con discapacidade ou limitacións sensoriais, motoras ou cognitivas.
- Recoméndase empregar navegadores de versión recente tales como Netscape Navigator, Mozilla e derivados (Firefox), Opera, Internet Explorer, etc.
- En equipos de sobremesa de uso común recoméndase o uso de resolucións de pantalla de, como mínimo, 1024 x 768 píxeles.
Termos de uso
- Está prohibido o envío de correo masivo non solicitado ou correo non solicitado (SPAM) dirixido a contas de correo electrónico utilizadas nesta web.
- Está prohibido utilizar esta web con fins comerciais ou de xeito inadecuado atendendo á súa propia finalidade.
- A persoa usuaria non poderá acceder ao sitio web de xeito que dane, deteriore, inutilice ou sobrecargue os servizos e/ou información ofrecida.
Privacidade
- Coa súa navegación, Vostede presta o consentimento para recibir as cookies que utiliza o Portal, que en ningún caso se empregan para recoller información de carácter persoal. Son de dous tipos:
- Cookies propias: son enviadas ao seu equipo e xestionadas exclusivamente pola Xunta de Galicia, que só obtén e conserva a información relativa aos datos de sesión e idioma. Estas cookies son necesarias para o correcto funcionamento e visualización do Portal por parte da persoa usuaria.
- Cookies analíticas de terceiros: o Portal usa as cookies da ferramenta Google Analytics, que realiza unha medición e análise estatística da navegación das persoas usuarias na web, co fin de mellorar os servizos que ofrece o Portal. A información que xera a cookie é directamente transmitida e arquivada por Google.
- Para garantir o anonimato, Google converte a súa información en anónima truncando o enderezo IP antes de almacenalo. Tampouco asocia o seu enderezo IP truncado a ningún outro dato conservado por Google, nin pode enviar a información recollida por Google Analytics a terceiros agás cando estea legalmente obrigado a facelo, conforme ás condicións de prestación do servizo de Google Analytics.
- Se Vostede desexa denegar o permiso para o tratamento estatístico dos datos ou da información con Google Analytics, prema aquí.
- Recordámoslle que deberá executar esta acción cada vez que cambie de navegador ou da súa configuración, ou se eliminen as cookies, posto que o indicador de denegación gárdase nunha cookie.
Protección de datos persoais
- As persoas usuarias deste portal teñen á súa disposición toda a información relativa ao tratamento dos datos persoais levado a cabo pola Xunta de Galicia, incluíndo o xeito no que poden exercitar os dereitos, o contacto cos delegados e coas delegadas de protección de datos e demais aspectos segundo os termos exixidos polo Regulamento Europeo de Protección de Datos persoais e a Lei orgánica 3/2018, do 5 de decembro, de protección de datos persoais e garantía dos dereitos dixitais, na seguinte ligazón: información sobre protección de datos persoais.
Uso de linguas
- O artigo 13 da Lei 39/2015, do 1 de outubro, do procedemento administrativo común das administracións públicas, garante o exercicio dos dereitos lingüísticos recoñecidos no ordenamento xurídico e, en particular, os referidos ao uso do galego nas relacións da cidadanía coa Administración pública de Galicia. Para estes efectos, o Portal posibilitará o acceso aos seus contidos e servizos en galego e castelán.
Lei aplicable e xurisdición
- Para toda cuestión litigiosa ou que atinxa ao Portal, será de aplicación a lexislación española, sendo competentes para a resolución de todos os conflitos derivados ou relacionados co uso do presente Portal, os Xulgados e Tribunais da cidade de Santiago de Compostela.
