Dentro do programa Axuda e Aprende Na Túa Contorna, alumnado de diferentes cursos desenvolveu diversas actuacións destinadas á mellora de espazos públicos e á sensibilización ambiental da veciñanza. 

As actividades permitiron combinar os contidos curriculares co compromiso social, favorecendo o desenvolvemento das competencias persoais e cidadás. 
 

O alumnado de 3º da ESO desenvolveu durante o segundo trimestre un proxecto interdisciplinar centrado no patrimonio material e inmaterial de Galicia. A iniciativa, coordinada polos departamentos de Xeografía e Historia, Lingua Galega, Lingua Castelá e Inglés, permitiu elaborar rutas culturais, podcasts e vídeos divulgativos en galego, castelán e inglés. 

Os traballos presentáronse nunha exposición aberta á comunidade educativa, na que as familias puideron coñecer os recursos creados polo alumnado e participar nun percorrido guiado polo patrimonio da contorna. 
 

O IES continúa avanzando na súa estratexia de educación ambiental coa posta en marcha de novas acción relacionadas coa redución de residuos, a eficiencia enerxética e a conservación da biodiversidade. 

Entre as actividades realizadas destacan a ampliación do horto escolar, a instalación de novos puntos de reciclaxe e a celebración dunha semana temática dedicada aos Obxectivos de Desenvolvemento Sustentable, con obradoiros, charlas e actividades colaborativas.